Позитивни вести за болните од канцер. Годинава повеќе пари за Клиниката за онкологија. Директорот на Фондот за здравство, иннформираше дека буџетот ќе биде поголем за 64 % за разлика од претходната. Очекувањата се дека со тоа оваа здравствена установа ќе застане на здрави нозе. На Светскиот ден на борбата против ракот, надлежните велат дека здравствениот систем се соочува со сериозни предизвици кога станува збор за превенцијата и лечењето на најтешко болните. Но се оптимисти дека онколошките пациенти ќе добијат современа терапија и подобар третман, но и побрза дијагностика. Од Министерството за здравство уверуваат дека оваа година ќе дадат поголема поддршка на болните од рак и подобри услови за лекување.
Онколошките пациенти се делумно задоволни од соработката со надлежните, и веруваат дека ситуацијата оваа година ќе се подобри. Тие бараат поголема превенција за болеста и воведување на нови лекови кои ќе бидат на позитивната листа.
Директорот на Онкологија уверува дека терапија ќе има за сите болни, и најави дека за брзо ќе се стави во функција и акцелераторот на Клиниката.
За да се намали притисокот врз Клиниката за онкологија потребна е децентализација велат надлежните. ГОБ 8-ми септември е подготвена да преземе пациенти за дијагностика.Но се уште очекува лекови…за да можат пацинетите и таму да примаат биолошка и имунолошка терапија.
Претходната власт со години ветуваше дека ќе се го стави во функција онколошкиот центар во “8-ми септември” за да можат болните да се лекуваат, но тоа не го реализираше. Сегашното раководство уверува дека тоа ќе се случи наскоро.
