Целосно е изгаснат пожарот во депонијата близу Арачиново, покрај стариот пат кон Куманово, што изби вчера доцна попладне.
„По неколкучасовно гаснење со специјална пена, скопските пожарникари успеаа целосно да го изгаснат огнот во депонијата, иако сè уште може да се забележи чадење од неколку места,“ информираат од Дирекцијата за заштита и спасување.
Директорот на Дирекцијата, Стојанче Ангелов, изјави дека и овој пожар бил подметнат. Скопските пожарникари, кои пристигнале да го изгаснат огнот, ја затекнале вратата на депонијата отворена и пронашле поголема количина на пакуван сончоглед кој горел со силен пламен, но и други горливи производи.
