Денеска Исланд одлучува за својата иднина во Европа. На референдум, жителите на вулканскиот остров гласаат дали да се обноват преговорите за пристапување во Европската Унија.
Доколку мнозинството гласа „за“, ќе се отвори патот за нови преговори со Брисел. Во случај на негативен исход, Владата вети дека ќе се откаже од иницијативата. Право на глас имаат повеќе од 270.000 Исланѓани, а според податоците на исландската телевизија, околу една петтина од нив веќе гласале предвреме.
Сите показатели упатуваат на многу неизвесна трка и тесен резултат.
