МВР почна со истрага по наводите на очевидците дека големиот пожар кај Желино бил предизвикан од пиромани кои тркалале запалени гуми по ридот.Од ЦУК велат дека пожарот поради ветерот и тешкиот терен има ризик да се прошири а противпожарните екипи интензивно се борат со густиот чад и огнената стихија.
“Надлежните со полна сила работат на локализација на пожарот и спречување на негово ширење.Постои основано сомнение дека пожарот е подметнат од човечки фактор” велат од ЦУК.
Истовремено, шуми горат во четири општини – во Нивичино општина Василево, гори нискостеблеста шума.
Пожари има и во Грешница, општина Македонски Брод, и меѓу прилепските села Царевиќ и Смолани…речиси на сите локации гори нискостеблеста шума и ниска вегетација. Силниот ветер го здиве пожарот и кај Велес кај селата Џидимирци – Крушје – Иванковци.
Во меѓувреме, на територијата на целата држава е прогласена кризна состојба. Активиран е и ЕУ механизмот за помош – што во пракса на службите им овозможува да побараат помош од земјите членки при справувањето на пожарите.
