А Фондот за пензиско и инвалидско осигурување е финансиски стабилен и навремено ги исплаќа сите обрвски, покажува полугодишниот извештај за 2025 година, што го усвои управниот одбор.
Во првите шест месеци од годинава, приходите на Фондот се зголемени за речиси 13% во однос на истиот период лани, додека расходите достигнале 64,7 милијарди денари – речиси 14% повеќе од 2024. Пензиите, според извештајот, се исплаќале навремено и без застој.
„Главен приоритет останува навремената исплата на пензиите и почитување на законските рокови за сите предмети“, изјави директорот на Фондот, Никола Мемов, додавајќи дека граѓаните ќе продолжат да добиваат навремени и квалитетни услуги.
Во извештајот е наведено и зголемување на бројот на пензионери – во првото полугодие се регистрирани 1.748 нови корисници на пензија.
