Филипче: Жално е што реформите за ЕУ интеграциите Владата воопшто не ги спроведува

Лидерот на СДСМ Венко Филипче критикува дека е жално што Владата воопшто не ги спроведувала реформите за ЕУ интеграциите. Членството во ЕУ според него нема алтернатива, а патот до таму го гледа преку потребните реформи, но и политички консензус за нивно спроведување.

Клучната улога во ова според него треба да ја има Собранието и Националниот совет за евроинтеграции, како платформа која ќе се надоградува со искуствата од другите земји, како Албанија и Црна Гора кои се пред нас во процесот.