Роаминг како дома за разговори, пораки и интернет додека престојуваме во ЕУ. Советот на ЕУ официјално го одобри стартот на преговорите со земјите од Западен Балкан за проширување, односно вклучување во мрежата на ЕУ. Промените ќе им овозможат на корисниците од Македонија, но и од Албанија, Босна и Херцеговина, Косово, Црна Гора и Србија да ги уживаат истите привилегии како и граѓаните на земјите од Унијата.
Зоната во моментов ги опфаќа земјите членки на ЕУ, како и Исланд, Лихтенштајн и Норвешка, а во неа се вклучени и Молдавија и Украина.
По денешната одлука, Европската комисија ќе започне преговори за склучување договори со секоја од шесте балкански држави. Тие ќе треба да спроведат законски измени за усогласување со европското законодавство во областа на телекомуникациите.
Во соопштението се наведува дека, по позитивна оценка од Европската комисија за исполнување на условите, ќе може да биде донесена одлука за реципрочно отворање на роаминг-пазарите меѓу ЕУ и земјите од Западен Балкан.
