Дали вработениот е работоспособен и кој ќе може да користи оружје ќе зависи од здравствената историја која е впишана во системот. Лекарите од трудова медицина заедно со Министерството за здравство најавија дека „Мој термин“ ќе се надградува и ќе биде од корист на докторите кои ќе издаваат лекарски уверенија.
Придобивките од новиот модул се подобрување и ефикасност на здравствените установи и работодавачите, намалување на административниот товар за граѓаните и за здравствените институции, безбедна размена на информации и прецизна евиденција, како и лесен пристап до податоците.
