Здравствените услуги во државава значително ќе се подобрат, Македонија ќе набавува нови амбулантни возила. Премиерот истакна дека моменталната состојба е катастрофална и алармантна. Здравството се потпира на оние возила кои се донација или се очекува да бидат донација. И токму затоа ова е главниот приоритет на владата.
‘’Како влада, на последната седница, донесовме одлука за отпочнување на постапка за набавка на сто нови супер модерно опремени возила. Кои што ќе бидат распределени во јавните здравствени установи во државава” рече премиерот.
Според истражувањето за амбулнтните и санитетски возила на здравствените установи во државава има вкупно 263 вакви возила. Санитетско или амбулантно возило имаат вкупно 58 здравствени установи.
Дури 73% од овие возила здравствените установи ги добиле на користење или како донација. Само околу 22% од возилата здравствените установи ги купиле со сопствени средства.
Но работите одат во нагорна линија, само минатата година министрството за здравство, во соработка со владата, набави 22 амбуланти возила со надградена медицинска опрема. И до тогаш, тоа беше најголемата набавка за итна помош во историјата на земјава.
Новинар Кристијан Ниновски
