🎥 Дронови сателити и мапи за детакција на пожарите во Македонија

Со дронови со термални камери, сателити и мапи се детектираат пожарите во Македонија. По ланската катастрофа кога пламените јазици проголтаа над 94 илјади хектари шума годинава надлежните се поорганизирани и поопремени во справувањето со пожарите.

Во неколку наврати од Дирекцијата за заштита и спасување кажаа дека сега имаат јасен план – мапирани се ризичните региони, а на секој појавен пожар се реагирира за помалку од 45 минути.

До средината на јули 2025 година според ЦУК, бројот на шумски пожари е значително намален. Најголем дел од нив биле изгаснати брзо без поголеми последици. Оние кои се секојдневно на терен во борба против огнените стихии појаснуваат дека различни се временските и техничките услови во споредба со претходните години.

Лани поддршката од соседите и ЕУ беше клучна за справување со пожарите.Помош испратија Србија, Турција, Германија Словенија и други земји. И годинава е активиран ЕУ механизмот за помош – но досега, во најголем дел пожарите се гаснеа со националните ресурси.

Во 2024 година избувнаа 126 шумски пожари и беше опожарена површина од над 94.000 хектари – што изнесува околу 3,6 % од територијата на државата. Најголемите пожари беа во Мариово, Малешевските планини, гореше планината Серта, пламна и Националниот парк Галичица. Лани  во Македонија изгореа шуми колку претходните 10 години заедно, велат податоците на службата на ЕУ за следење на животната средина.