Хаосот на Блискиот Исток и разгорувањето на конфликтот меѓу Израел и Иран почна да ги покажува последиците. Цената на нафтата експресно расте, а на ценовните шокови не е имуна ниту Македонија.
Регулаторната комисија за енергетика донесе одлука дизел горивата да поскапат од полноќ, и тоа за 2,5 денари по литар. Цената на бензините ќе остане непроменета. Со ова зголемување, еуродизелот ќе се продава за 70 денари за литар, што е покачување од 2,06% во споредба со претходната одлука од понеделникот, кога и дизелот и бензините поскапеа за денар и половина.
