Судскиот Совет ја поткопува довербата кај судиите за начинот на нивно оценување, смета одбраната на судијата Андреј Димовски кој го спори изборот за унапредување во повисок суд. Димовски смета дека му е нанесена штета со тоа што Судски не го бодувале за 2019 година кога бил делегиран во Европскиот суд за човекови права. Од Жалбениот совет при Врховниот суд бараат да го поништи изборот на Судски за унапредувањето на судиите од граѓанска област и да има повторно оценување.
Одбраната ја спори и Комисијата која одлучувала и ги оценувала сите кандидати за да бидат унапредени во Апелација, бидејќи не заседавала во полн состав односно потпишани на оценувањето биле двајца наместо тројца членови.
Врховниот суд доцна попладнево соопшти дека жалбата на Димовски ја отфрла како неоснована.
Советот за жалба при Врховниот суд, кој одлучува по жалба на кандидат кој не е избран за судија, денес на 17 јули 2025 годинa по одржаната јавна седница, донесе решение УССЖИ-4/25, со кое жалбата на кандидатот м-р Андреј Димовски, судија на Основен граѓански суд Скопје, изјавена против Одлуките на Судскиот совет на Република Северна Македонија бр.09–1433/1 од 05.06.2025 година, бр.09–1434/1 од 05.06.2025 година, бр.09–1435/1 од 05.06.2025 година, бр.09–1436/1 од 05.06.2025 година, бр.09–1441/1 од 05.06.2025 година, бр.09–1442/1 од 05.06.2025 година, се одбива како неоснована, соопштија од судот.
Освен судијата Димовски, изброот го спорат уште двајца судии односно Илир Исени и Мирослав Ѓорѓиев кои исто така се од граѓанската област.
Во продолжение изјавата на Драган Лазаров – адвокат на Димовски:
