И во делот на медиумите се појавија нови имиња – цел на „обработка“ биле порталите „Република“, „Нетпрес“ и „Курир“, кои имаа критичен и настроен став кон власта на СДСМ и ДУИ.
„Нетпрес“ објави дека досиеја за овие редакции биле оформени во Агенцијата за национална безбедност, но истовремено фирмите кои ги водат порталите биле под интензивна шпионска истрага на финансиското разузнавање. Засега нема информација дали имало координација меѓу тајната полиција и финансиското разузнавање, односно дали двете шпионски институции одделно си ја терале работата со новинарските редакции или работеле заеднички.
Според информациите до кои дојдовме неофицијално, новинарите, уредниците, директорите и останатите вработени во „Нетпрес“, „Курир“ и „Република“ биле физички следени од припадниците на АНБ и тоа одреден временски период, но засега не е точно утврдено колку тоа траело.
Операцијата за шпионирање на редакциите на „Нетпрес“, „Курир“ и „Република“, според првичните сознанија од истрагата, ја водела одбрана група од десетина припадници на тајната полиција, пишува порталот „Нетпрес“.
Инаку, освен овие три медиуми, цел на обработка биле и новинарите Љупчо Златев и Кристијан Ландов.
