Бугарската владејачка партија „ГЕРБ“ денеска соопшти дека е подготвена за одржување предвремени парламентарни избори по масовните протести во земјата и барањето на бугарскиот претседател Румен Радев за итна оставка на владата, поради неуспехот да се одобри буџетот за 2026-та година.
„Повеќе нема да се придржувам и да прифаќам секоја луда барања во врска со несомнено лошо структуриран буџет. Или застанете со ГЕРБ и заедно, обезбедувајќи мнозинство од 121 пратеник, да изготвиме нов буџет, или одиме на нови избори“, напиша лидерот на ГЕРБ, Бојко Борисов, на Фејсбук.
Ова е првата реакција на Борисов по серијата масовни протести против усвојувањето на предложениот буџет за следната година.
Бугарскиот парламент денеска ќе треба да го разгледа барањето на владата за повлекување на предлогот за првиот бугарски буџет во евра. Парламентот, исто така, денеска ќе го разгледа и барањето на бугарскиот претседател Радев за одржување референдум за усвојување на еврото од 1 јануари следната година.
Протестите се случија затоа што буџетот предвидува зголемување на даноците и придонесите за социјално осигурување во приватниот сектор и насочување повеќе пари кон државниот сектор.
