Борче Стаменов од „Донирај компјутери“ и д-р Ирфан Ахмети од Клиника за ендокринологија, добитници на државната награда „Мајка Тереза“

Борче Стаменов од „Донирај компјутери“ и доц. д-р Ирфан Ахмети од Универзитетската клиника за ендокринологија се добитници на овогодишната државна награда „Мајка Тереза“.

Наградата се доделува за особено значајни остварувања од интерес на државата во областа на хуманоста и човечката солидарност, како и за поттикнување и унапредување на меѓусебното разбирање и развој на соработката – како меѓу народите, така и меѓу припадниците на различни заедници, култури и вероисповеди.