Во меѓувреме и Али Ахмети не ја разбра, по сè изгледа, пораката од гласачите на последните избори, па продолжува во негов стил, промовирајќи исклучиво етнички идеи поставувајќи споменици. Во селото Гаране, кичевско, Ахмети вчера откри споменик на Скендербег, на денот кој граѓаните од албанската заедница го слават како Ден на албанското знаме.
Али Ахмети изјави дека споменикот ќе биде вечен симбол на слободата, отпорот и националната гордост.
„Овој важен момент доаѓа токму на ден кога нашите срца чукаат посилно за црвено-црното знаме, потсетувајќи нè на патот на жртвата што нè донесе овде“, објави Ахмети на Фејсбук.
Тој нагласи дека во текот на вчерашниот ден оддале почит и на споменикот на Албанката мајка во Зајаз, кој, според него, симболизира посветеност, жртва и безусловна љубов што го одржува семејството и нацијата живи со векови.
