🎥 Африм Гаши е во стабилна состојба, откако беше хоспитализиран со преплет црева

Стабилна е здравствената состојба на вториот човек во државата – претседателот на Собранието Африм Гаши, откако беше итно хоспитализиран на Клиниката за дигестивна хирургија поради преплет на цревата. Тој бил примен пред полноќ со сериозни болки и тегоби во стомкот но без крварење и други посериозни симптоми информира за Алфа, директорот на Клиниката, д-р Огнен Костовски.   

„Се работи за преплет на црева. Во моментов е подобар, медикаментозно ќе биде лечкуван. Ја следиме состојбата и засега немаме одлука за операција. Пациентот е под постојан лекарски надзор“, вели директорот на Клиниката за дигестивна хирургија.

И од кабинетот на Гаши потврдија дека неговата состојба е стабилна и поминува низ детални здравствени прегледи.

„Неговата здравствена состојба е стабилна, а во моментов се вршат детални лекарски прегледи. Сите понатамошни информации ќе бидат навремено доставени до јавноста од надлежните институции“, велат од собраниските служби.

Засега нема официјална информација до кога собранискиот спикер ќе биде на болничко лекување. А дотогаш со рабоатата на собраноето ќе раководи некој од неговите заменици. Во перидот што следи во собранието треба да се  изгласаат измените на закон за линерано покачување на пензиите а во првата половина на август Гаши најави дека ќе се распишат локалните избори во Македонија.