За дополнитлени 20 проценти се намалија царините за увоз на полупроизводи и сега намалувањето на царина при увоз од први јули ќе изнесува 70 проценти. Ова е продолжување на владините мерки за олеснување на работењето на домашните компании во време на криза. Сега преку намалување на царинските стапки за околу 70 производи што се користат како суровини, репроматеријали и полупроизводи во индустријата, од една страна, а од друга усогласувања со ЕУ. Првиот чекор беше направен во 2025 година, кога царинските стапки беа намалени за 50 проценти од разликата меѓу домашните и европските тарифи. Со новите измени, од 1 јули 2026 година следува дополнително намалување и целосно усогласување со ЕУ-стандардите за овие производи.
„На седница на Владата ние донесовме одлука со која практично се зголеми обемот на полупроизводи и суровини кои ги користат во Македонија за да извезуваат. Претходно имавме усогласување 50%, сега имаме дополнително усогласување за нови 20%, односно до 70%. Со тоа ги правиме нашите извозници и домашни и странски инвеститори уште поконкурентни. Тоа е целта на ова усогласување“, изјави македонскиот премиер Христијан Мицкоски.
Според економистите, со овие мерки, директна поддршка ќе добијат металопреработувачката индустрија, автомобилскиот сектор, енергетиката, металургијата, како и други производствени капацитети што зависат од увоз на репроматеријали. Воедно, се очекува привлекување на нови инвестиции, но и се очекува зголемување на индустриското производство, како и подобра интеграција на македонската економија со европскиот пазар.
Ова се мерки кои долго време ги бараа и македонските произвиодители за да можат да продолжат со работа во време на голема неизвесност.
