Благо намалување на цените на овојшето и зеленчукот, покажуваат првите анализи од инспекторите кои пред пет дена излегоа на терен. Се проверуваат цените во маркетите, но и кај дистрибутерите и увозниците. Ако се откријат манипулации ќе следуват казни. Минатиот месец имало забележано благо покачување на цените на прехранбените производи, а ако продолжи овој тренд, стандардот на граѓаните ќе се штити со дополнителни мерки.
„Немаме основа по која би постапиле. Ќе ја анализираме ситуацијата до крајот на месецот. Може да го намалиме ДДВ-то за прехранбените производи. Како што реагиравме во делот на горивата, така може да реагираме и во овој сегмент“, изјави Бесар Дурмиши .
Покрај борбата за задржување на стандардот кај граѓните, министерството одоврува и програми за поддршка за занаетчиите, малите, мирко и средните компании. Ќе се кофинансираат 40 отсто од трошоците за набавка на нови машини и алати, но не повеќе од 200 илјади денари од барател.
„Продолжуваме со конкретна поддршка на домашната економија, малите бизниси и преработувачката индустрија, со јасна цел – поголема конкурентност, модернизација и отворање можности за раст и развој. Нашата цел е јасна, да им помогнеме на домашните компании полесно да инвестираат, да го модернизираат производството, да ја зголемат продуктивноста и да создадат подобри услови за работа и развој“, додаде Дурмиши.
Покрај ова, државата ќе објави јавен повик за надоместување на дел од трошоците за воведување, имплементација и сертификација на стандарди во преработувачката индустрија. Ќе се кофинансираат 70 отсто од трошоците, до максимум 200 илјади денари од компанија.
Државата ќе ја зајакне соработката помеѓу компаниите од преработувачката индустрија и универзитетите преку реализација на заеднички проекти. За оваа мерка се предвидени 5 милиони денари, а кофинансирањето ќе изнесува 70 отсто од трошоците, но не повеќе од 500 илјади денари по проект
