Институционалната соработка и координацијата во справувањето со итни и кризни ситуации била во фокусот на денешниот работен состанок помеѓу директорот на Центар за управување со кризи, Мухамед Али, и градоначалникот на Општина Теарце, Даут Мениши.
Како што соопштуваат од ЦУК, на состанокот што се одржал во просториите на Општина Теарце, градоначалникот ги информирал присутните за функционирањето и значењето на дисперзираната единица на противпожарната служба, која е лоцирана во Општина Теарце и го покрива и подрачјето на Општина Јегуновце.
Исто така, се разговарало и за подготвеноста и превентивните мерки за летната сезона. Во таа насока, како што наведуваат, директорот Мухамед Али иницирал координација и преземање заеднички превентивни мерки, со цел навремено спречување на пожари и зголемување на безбедноста на граѓаните.
