Во однос на актуелното прашање за двојното државјанство и дали, покрај пратениците, и именуваните функционери треба да имаат само македонско државјанство, Движење ЗНАМ – за наша Македонија својот став ќе го изнесе откако ќе се одржи најавената јавна стручна дебата и кога ќе има конечен предлог-текст.
-Најавено е дека ќе има стручна и научна дебата во јавноста по ова прашање и кога ќе се има конечен текст, ЗНАМ ќе се произнесе по ова прашање во јавноста, рече Никола Мемов од ЗНАМ одговарајќи на новинарски прашања на денешната прес-конфеернција која беше посветена на Предлог-законот за Влада.
Мемов рече дека ЗНАМ има конзистентен став во однос на Изборниот законик.
-Официјален став на ЗНАМ е дека идниот собраниски состав треба да биде со 90 пратеници, да има една изборна единица, изборен праг помеѓу 2 и 3 отсто и да се промени начинот на финансирање на политичките партии, изјави Мемов.
Според него, доколку Уставот се отвора за регулирање на прашањето со двојното државјанство на функционерите тогаш, рече, ќе треба воедно да се дискутираат и овие прашања.
