Во Пробиштип денеска се одржа 13-тата трибина во рамките на кампањата „Гласот што го слушаме – македонско најдобро“.
-Кампањата се реализира преку два големи тима кои одржуваат трибини во повеќе општини, како и шест помали тимови кои посетуваат населени места, со цел да се презентираат сите актуелни мерки, реализирани активности и идни планови на Министерството, истакнал министерот за земјоделство, шумарство и водостопанство, Цветан Трипуновски.
Како што соопшти МЗШВ, министерот додал дека вториот дел од трибината е посветен на директна комуникација со земјоделците, каде тие поставуваат прашања и даваат свои предлози и сугестии.
-Општина Пробиштип има над 1.400 регистрирани земјоделски стопанства, некаде околу 4.000 хектари обработлива земјоделска површина од кои што 2.100 хектари се во сопственост на државата поделени со договор на околу 159 корисници – посочи министерот, додавајќи дека во наредниот период ќе продолжат со посета на другите делови низ државата.
