Доказот дека Заев се уште ги држи конците во СДСМ се виде на роденденот на партијата. Филипче, Димитријевиќ и СДСМ не се оградуваат и дистанцираат од Заев, напротив аплаудираат и се восхитуваат на неговата појава, се вели во соопштението од ВМРО-ДПМНЕ.
Човекот кој го смени името на државата, човекот кој местеше судии и обвинители, одлучуваше за судски предмети и постапки, човекот кој земаше евро за брат му и евро за црквата, човекот кој го уништи земјоделството, образованието, културата, човекот кој го оцрни образот, јазикот и идентитетот, аболицираниот криминалец Заев, дочекан од неговите лојалисти на чело со Филипче и Димитријевиќ како врховен лидер.
Заев не пет години, туку пет минути не е апстиниран од СДСМ и политиката, синоќа на роденденот на партијата дојде да покаже дека тој се уште е врховен лидер на СДСМ, и дека сите работат по негова насока. Последно во низата е договорот со српската опозиција за формирање на фронт преку генералниот секретар на СДСМ, Димитријевиќ. Се додека Заев е со СДСМ, тие немаат иднина. Граѓаните не забораваат.
