Министерството за надворешни работи и надворешна трговија информира дека досега се реализирани четири организирани летови за евакуација на граѓани од регионот на Блискиот Исток, со кои се превезени вкупно 458 патници.
Како што се наведува во соопштението од нив 380 се македонски државјани, додека 78 се странски државјани.
Вкупно по држави, меѓу евакуираните странски државјани има: 14 од Босна и Херцеговина, 13 од Косово, 13 од Албанија, осум од Србија, шест од Црна Гора, тројца од Грција, двајца од САД, по еден државјанин од Украина, Германија, Ерменија и Индонезија, како и четири лица со холандски ЕУ-пасош.
МНРиНТ, се додава во соопштението, преку дипломатско-конзуларните преставништва и дежурниот телефонски број и понатаму останува на располагање на македонските граѓани во кризните региони.
