Клиничка болница-Штип во годината што изминува работеше на намалување на дефицитот на лекари, медицински сестри, болничари. Во текот на годината реализирани се 36 вработувања, а преку владиниот проект се вработија и 18 приватни специјализанти. Оваа болница, која е од регионален карактер со години функционира со околу 30 отсто помалку кадар од предвиденото, согласно систематизацијата на работни места.
Директорот на Клиничка болница-Штип, Владко Захариев најави дека во 2026 година планирани се вработување на здравствен и технички персонал. Веќе во првите месеци од годината се очекува да биде распишан оглас за вработување на уште 25 медицински сестри, болничари и хигиеничари.
-Во 2026 Стратегија ни е поагресивно да имаме прием на персонал, кој во моментот е најдефицитарен, а тоа се медицински сестри, болничари, хегиеничари, администрација и техничачки персонал, вели Захариев.
Тој истакна дека 2025 година била година на финасиска консолидација. направен е значителен исчекор во намалувањето на заостанатиот долг. Од август минатата година до крајот на оваа вратени се над 150 милиони денари. Зафариев додава дека најголем дел од долгот што ќе остане, односно околу 60 отсто е кон Центарот за трансфузиологија.
-Споредбено со долгот од август 2024, кога ја и презедов функцијата долгот беше 188 милиони денари и очекуваме до 31 декември долгот да го намалиме и да биде околу 35 милиони, рече Захариев.
Планиран е нов буџет на Клиничка болница-Штип и од Фондот за здравствено осигурување ќе се бара зголемување од 35 до 40%, а во него се планирани набавка на апарати, како и сервисирање на старите апарати и нови вработувања.
