Со 71 глас „за“ пратениците го усвоија буџетот за следната година. Власта и опозицијата се судрија околу нивото на капитални инвестиции. Пратениците од СДСМ критикуваа дека намалувањето на клучните проекти од 770 на 660 милиони евра било доказ дека тој не носи раст и развој. Пратениците од власта, пак, велат тоа е реалната сума која може да се реализира, а парите да не се пренасочуваат потоа за плати и пензии. Догодина треба да продолжи изградбата на патната и железничката инфраструктура долж коридорите 8 и 10д, како и бројни проекти во одбраната, здравството и образованието.
Пратениците од опозицијата обвинуваа за доцнење на надоместот за породилно отсуство, како и за поврат на ДДВ за граѓаните и фирмите. Од ВМРО-ДПМНЕ возвратија дека токму СДСМ е партијата која селективно ја делеше владината помош кога беше на власт.
Буџетот за 2026-та „тежи“ 6,7 милијарди евра. Во државната каса треба да се соберат 6,1 милијарда евра. Тој е скроен врз основа на проекции за раст на економијата од 3,8% и намалување на инфлацијата на ниво од 2,5%. Буџетскиот дефицит, исто така треба да биде намален на 3,5% од БДП. Ќе се издава еврообврзница во висина од 950 милиони евра, а дома Владата ќе се задолжи за 570 милиони евра. Со овие пари треба да се покрие дефицитот и да с еврати еврообврзницата од 700 милиони евра од 2020-та година. Повеќе пари ќе има з п ензии, плати и социјални трансфери, а од даноци треба да се соберат за 6% повеќе финансии.
