Утре е закажана седница на редовната Анкетна комисија за слободите и правата на граѓанинот, на која треба да се расправа за прекршувањето на правото на живот, согласно иницијатива поднесена од родителите на жртвите од трагедијата во Кочани. На седницата се очекува да се обратат и родителите на загинатите.
Сепак, одржувањето на седницата е неизвесно бидејќи постои можност да нема кворум доколку власта не обезбеди доволно пратеници. Од ВМРО-ДПМНЕ побараа да се премести датумот, бидејќи утре започнува и расправата за државниот буџет.
Со Анкетната комисија претседава лидерот на Левица, Димитар Апасиев, кој не понуди друг датум за одржување на седницата, со образложение дека датумот бил усогласен со потребата на родителите, бидејќи тоа е единствениот ден кога нема судски рочишта за случајот со трагедијата во Пулс.
