А вирусите дополнително ќе напаѓаат и поради нетипично топлото време за овој период од годината. Синоптичарите најавуваат дека оваа седмица температурите ќе бидат повисоки за повеќе од 10 степени од просечните за месец декември.
Од денеска нашето подрачје ќе се наоѓа во поле на висок воздушен притисок, што ќе услови стабилно и релативно топло време, соопшти Управата за хидрометеоролошки работи. По одделни котлини, во претпладневните и ноќните часови ќе има појава на магла, поради тоа што дневната температура ќе биде пониска, прогнозира УХМР. Утринските температури во текот на оваа седмица ќе се движат од 0 до 7 степени, а дневните од 9 до 17 степени.
