Структурните реформи со кои Филипче и СДСM сугерираа нивен нов почеток, на повидок никаде ги нема и покрај фактот што Филипче ја доведе СДСM до степен на трета партија во државата и петта на ниво на Градот Скопје, изјави Викторија Андоновска од ВМРО-ДПМНЕ на прес-конференција.
Јасно е дека со ваквото однесување СДСM навлегува во сè подлабoка политичка криза. Безидејноста и дезориентираноста кај СДСM е очигледна и дополнително ги поткопува нејзините веќе разнишани темели.
Крајно време е СДСM да се реформира. Оставката на Филипче е неизбежна доколку партијата сака и понатаму политички да егзистира.
Во СДСM има чесни и трудољубиви активисти, но не можат да дојдат до израз поради Филипче, неговиот ментор Заев и политиките што ги водат со кои го доведоа СДСM во овој стадиум.
Македонскиот политички систем има потреба од опозиција со интегритет и визија, затоа СДСM мора конечно да се ослободи од прангите на Филипче и Заев.
