Нов инвестициски циклус, за позасилен економски раст. Македонските стопанственици имаат амбициозни планови кои конечно треба да ја позиционираат економијата на брза трака. Пред крајот на 2025, веќе имаат планови за наредната година, која треба да биде една од клучните за исчекор на овој план. Од најголемата бизнис асоцијација во државата, се најавуваат нови инвестиции. Велат дека е дојдено времето да се разговара за двојно поголем економски раст, но за тоа да се случи треба и поголема поддршка од надлежните. Претседателот на Стопанската комора Азески вели дека за државата мора приоритети да бидат зголемување на извозот, поддршка на иновациите и инвестиции во образованието.
Инфраструктурата е најважна за бизнисмените. Тие бараат што побрзо завршување на започнатите проекти за изградба на патиштата и железницата. Тоа ќе значи побрз транспорт на стоки и поголем извоз во странство. Азески вели дека предолго се чекало на овие проекти и многу се доцни. Соседите биле далеку пред нас, особено Косово, кој го реализирал автопатот до македонска граница.
Македонската Влада не ја промени проекцијата за економски раст за годинава од 3,7%. Светска банка очекува 3,1%, а ЕБОР зголемување на економските активности за 3%.
