Министерот за внатрешни работи, Панче Тошковски, денеска ја посети граничната рампа „Табановце“, каде лично се запозна со функционалноста на новоимплементираниот „One Stop“ систем за заеднички гранични проверки.
Тошковски истакна дека со овој систем, кој ги интегрира прегледите на двете страни на границата, веќе се овозможува значително побрз проток на луѓе, патници и стоки, со елиминирање на двојните контроли и намалување на времето на чекање.
„Во август минатата година на овој премин имавме 1.247.747 патници, а годинава дури 1.602.939. Времето на чекање во 2024 изнесуваше од 3 до 4 часа, додека оваа година со ‘One Stop’ системот е сведено на 30 минути до 1 час“, посочи министерот, нагласувајќи дека бројот на патници е зголемен за 29%, а времето на чекање неколкукратно намалено.
По посетата на границата, Тошковски имаше средба со раководството на СВР Куманово. Тој соопшти дека состојбата во регионот е стабилна и мирна, со зголемена откривачка дејност во областа на економскиот криминал и намалување на бројот на сообраќајни несреќи со жртви.
„Со ставање во функција на системот ‘Safe City’, каде Куманово е во првите три града, очекуваме значително зголемување на сообраќајната безбедност и јавниот ред и мир. Потврдуваме дека полицијата е целосно подготвена да ги гарантира демократските и фер избори на претстојните избори“, нагласи министерот Тошковски.
Целата објава и фотографии може да ги погледнете на официјалниот фејсбук профил на министерот за внатрешни работи Панче Тошковски, на следниот линк:
