Лекарскиот скрининг во Трубарево заврши. Пулмолозите, за два дена, прегледаа повеќе од 200 луѓе, од кои дел покажале симптоми како отежнато дишење и сува кашлица. 19 пациенти со хронични заболувања се упатени на дополнителни испитувања на Клиниката за пулмологија. Акцијата беше добро прифатена од локалното население, а надлежните најавуваат продолжување на мониторингот.
Од Министерството за здравство упатија повик и до сите службени лица – пожарникари, полицајци, припадници на Дирекцијата за заштита и спасување, кои биле вклучени во гаснењето на пожарот, директно да се јават на Пулмологија доколку забележат проблеми со здравјето.
