Против 11 вработени во СВР Велес ќе биде покрената дисциплинска постапка, поради пропусти во постапувањето, по дел од пријавите што Росица Коцева, ги поднесувала против нејзиниот поранешен партнер, кој на 15 септември ја уби неа и нејзиниот татко, а потоа се самоуби.
Од МВР информираат дека по наредба на министерот Панче Тошковски, внатрешната контрола извршила детална проверка. Иако полицијата во повеќето случаи постапила согласно процедурите и против осомничениот била поднесена кривична пријава, сепак се утврдени и пропусти и непотполно постапување. За наодите е известено и Јавното обвинителство. Во јавноста се појавија и наводни пораки што Росица му ги праќала на министерот, но тој ги демантира, тврдејќи дека се невистинити.
