ВМРО-ДПМНЕ има неколкукратно поголема поддршка од СДСМ на помалку од еден мeсец пред локалните избори. Најновата анкета на Институтот за политички истражувања – Скопје, спроведена за потребите на МРТ, јасно ја потврдува сликата што одамна се наѕира. ВМРО-ДПМНЕ има убедливо водство пред СДСМ и се позиционира како апсолутен фаворит и тоа со разлика 7 спрема 1.
Телефонската анкета спроведена со 1.000 испитаници покажува дека дури 28,1% од граѓаните се уверени дека ВМРО-ДПМНЕ ќе победи, оставајќи ги далеку зад себе сите други политички опции. Националната алијанса за интеграција бележи 8,8%, коалицијата Вреди 8,1%, СДСМ едвај 4%, Левица 2,4%, а движењето ЗНАМ 2,3%. Уште посилна порака испраќаат граѓаните прашани која партија најдобро би се справила со проблемите во нивната општина – и тука ВМРО-ДПМНЕ е прва со 23,6%, додека сите останати се под 10%.
