Продолжува лекарскиот скрининг во Трубарево.Одзивот е голем особено од постарата популација и оние кои имаат хронични заболувања.
Само вчера на првиот ден од скинингот биле прегледани 111 луѓе од нив 11 се упатени на дополнителни испитувања. Лекарите вршат клинички преглед, мерење на пулс, сатурација и проценка на витален капацитет, со цел да се утврди здравствената состојба на локалното население.
Десетина дена по големиот пожар во складиштето за електронски отпад, жителите сè уште се жалат на непријатна и иритирачка миризба.
Гушење во гради, кашлање и вртоглаца – ова се најчестите симптоми за кои се жалат жителите од скопскоТрубарево. Дел од нив по здравствените прегледи се препратени на Клиниката за пулмологија.
Докторите апелираат – сите граѓани, без разлика на возраста, доколку почувствуваат вакви симптоми, да не чекаат. Колку побрзо се направи лекарски преглед, толку се поголеми шансите за навремено откривање и успешно лекување на евентуалните здравствени проблеми.
Според Протоколот, скрининг треба да се направи уште два пати, по три и по шест месеци, за да се види ефектот од загадувањето по пожарот.
Последните мерења од штипскиот универзитет покажуваат дека не се забележани невообичаено високи концентрации на ПM честички, вклучително и на тешки метали во воздухот во непосредна близина до катастрофата.
