На обвинувањата од ВРЕДИ дека кандидатурите на партијата Левица во општините со доминантно албанско население се во координација со ДУИ, реагираше Бујар Османи. Тој вели дека станувало збор за конструкции и очајнички обиди на ВРЕДИ да го ублажи ударот од претстојниот изборен пораз.
„ВРЕДИ започнуваат да ја подготвуваат одбраната за евентуален пораз. Тоа е нивната способност и тоа е нивната цел. Спротивно на овие клевети, тие сакаат да имаат капацитет потоа, по ноември, да им објаснат на нивните луѓе, на јавноста, зошто резултатот е таков каков што е. Нема друго да биде,“ рече Османи.
