Продолжен е рокот за аплицирање, наставниците имаат можност до 21 септември да се пријават на конкурсот за обуки за вештачка интелигенција

Поради големиот интерес, рокот за аплицирање за обуката за вештачка интелигенција во училница е продолжен до 21 септември, информираше министерката за образование Весна Јаневска. Програмата, реализирана во соработка со Министерството за образование и наука и групацијата Бринстер, ќе им овозможи на наставниците од средните училишта да учат вештачка интелигенција од врвни меѓународни експерти. Наставниците ќе можат секој месец да следат по 8 различни предавања и да стекнат вештини кои веднаш ќе ги применат во наставата, со менторска поддршка од дома и странство.