🎥 Мицкоски: Покажавме и докажавме дека умееме да ги водиме општините без ниту еден скандал и со многу работа

ВМРО-ДПМНЕ денеска ја официјализираше коалицијата „Твоја Македонија“, со која ќе настапи на претстојните локални избори. Лидерот на партијата, Христијан Мицкоски, истакна дека станува збор за најголемата коалиција досега, составена од 25 партии. Според него, тоа е доказ за обединување околу заедничка платформа која, како што рече, гарантира иднина и напредок.

Денес ја формализираме коалицијата Твоја Македонија која заеднички ќе настапи на овие локални избори. Коалицијата предводена од ВМРО-ДПМНЕ е убедливо најголемата коалиција која е составена од 25 партии кои се од различен карактер и во голема мера го претставуваат колоритот во македонското општество, различни структури и припадности што само потрдува дека се обединуваме околу заедничка платформа што подразбира обезбедување на иднина и напредок.

Мицкоски нагласи дека овие избори се клучни од две причини – прво, затоа што општините директно ги решаваат проблемите на граѓаните, а второ, бидејќи секој граѓанин, како што рече, треба да направи вистински избор за своето место и човекот кој ќе го застапува.

Лидерите на политичките партии од коалицијата „Твоја Македонија“ усвоија и „Декларација за Македонија на граѓаните и општини што создаваат иднина“.

Во декларација се најавуваат проекти за инфраструктура, здравство, образование, нови работни места и заштита на животната средина. Мицкоски порача дека целта е да се изградат силни општини и силна држава .

Каков период ни претстои во ек на изборната кампања, Мицкоски истакна дека очекува кампања во која ќе изобилуваат шпекулации, конструкции, подметнувања, невистини од страна на опозицијата .

„Ние, како коалиција имаме со што да излеземе пред граѓаните, што сме направиле изминатите четири години во општините и што сме направиле во изминатите 15 години откако сме централна власт и ќе се обидеме да направиме разлика меѓу оние седум години, кога ДУИ и СДСМ беа во Владата и овие четири години кога оваа коалиција управуваше со најголемиот дел од општините и овие колиција која управува сега со Владата во Македонија.“

Мицкоски нагласи дека со визијата за „Твоја Македонија“ ќе се понуди избор за иднина и развој, а општините ќе бидат двигател на промените.