Заев, Шукова и СДСМ, уште во 2020 година ветуваа решавање на Вардариште, кое беше дел од програмата на работата на тогашната власт, се посочува во соопштението од прес-конференцијата на Валентин Манасиевски, член на ЦК на ВМРО-ДПМНЕ.
Во програмата насловена како „Можеме’’ за парламентарните избори во 2020 година, СДСМ, Заев и Шукова ветија итна ремидијација на Вардариште.
На страна 228, од истоимената програма СДСМ, Заев и Шукова, ветуваа цитирам „Ќе помогнеме за итна ремидијација на поголем дел од дивите депонии, со приоритет на депонијата во Вардариште како и расчистување и рекултивација на локации со несоодветно отстранет отпад во урбаните и руралните подрачја.’’, а подолу во програмата на истата страна се вели и дека проектот е со финансиско портфолио од 42 милиони евра.
Дали СДСМ, Заев и Шукова знаат дека имаат ветено повторно доведување во природна состојба на дивата депонија Вардариште и прашуваме зошто овој проект не бил реализиран изминатите 4 години кога беа тие на власт?
Зошто Шукова, како државен секретар и министер во Министерството за животна средина и просторно планирање, не го спровела овој проект за кој како што тие барем велат во програмата имаа обезбедено и финансиски средства?
Зошто ги лажеа граѓаните на Скопје дека ќе го решат проблемот со Вардариште, а сега Шукова како кандидат за градоначалник од редовите на СДСМ за Град Скопје, повторно го ветува истото?
СДСМ, Заев и Шукова, се луѓе на кои народот не им верува и на минатите избори тоа јасно го кажа. Истото ќе се потврди и на овие локални избори на 19 октомври.
ВМРО-ДПМНЕ и Орце Ѓорѓиевски со јасна визија, план и цел, ќе го решат овој проблем за граѓаните конечно да го добијат она што го заслужуваат, а тоа е почиста животна средина, почист воздух и намалување на бројот на дивите депонии.
Прашање: Кои се вашите очекувања од ЈО за прислушувањата од страна на АНБ и АР?
Одговор: ЈО мора да почне да работи, кој дал насоки на АНБ и АР да го прислушуваат претседателот Мицкоски, истрагата мора да биде сеопфатна.
ЈО го повикуваме да не посматра од страна и да чека што ќе се случи следно. ЈО мора активно да се вклучи во расветлување на случајот со прислушувањето и следење на ВМРО-ДПМНЕ, новинари и бизнисмени.
5 години биле загрозени човековите права на десетици функционери на ВМРО-ДПМНЕ, на чело со претседателот Мицкоски, бизнисмени и новинари.
5 години СДСМ ја имал заробено државата и безбедносните агенции.
ЈО било продолжена алатка, преку Љупчо Коцевски, и го одобрувало дивеењето на оваа политичка мафија.
ЈО не смее да биде слуга на таа политичка мафија, затоа што зошто во спротивно ризикува довербата на народот да падне и под 2%.
ЈО треба да знае и дека ако не почне да работи по овој случај со цел негово целосно решавање, многу скоро од денес ќе треба да даде одговори зошто молчело и не постапувало.
Одговорност за прислушувањето и за следењето мора да има.
