Од владејачката ВМРО-ДПМНЕ преку соопштение остро реагираат на последното патување на Венко Филипче во Париз, поврзувајќи го неговото лобирање со политичките турбуленции во Франција.
Од партијата реагираат дека лобирањето на Филипче во Франција е причина за нов политички удар и предупредуваат од можен нов „француски предлог“.
„Откако Венко Филипче замина во Франција, владата падна. И откако отиде да лобира за Македонија, очекуваме да видиме каков повторно француски предлог ќе донесе, откако еднаш веќе ја забетонираа државата со нивното лобирање“, стои во реакцијата.
Од ВМРО-ДПМНЕ додаваат дека со нетрпение чекаат да видат како Филипче ќе ги заштити македонските интереси, „откако еднаш веќе ги избриша“.
„Кога Венко Филипче лобира за Македонија и македонските интереси, народот главата го боли цела година потоа“, порачуваат од владејачката партија.
