Од движењето „Слободни и независни“ го промовираа својот кандидат за градоначалник на град Скопје. Здруженијата „Но пасаран“, „Човекот над профитот“ и „Превентива“, претставени од „Работничката партија Скопје“, на локалните избори заеднички ќе настапат со кандидатот Владимир Куновски, кој најави решавање на неколку клучни проблеми за скопјани: враќање на Заводот за урбанизам, нова територијална поделба за финансиски самостојни општини и референдум за сите клучни прашања.
Во неговата платформа „Визија Скопје 2050“, главни приоритети ќе бидат решавањето на еколошките жаришта ОХИС и Рашче, како и опасноста од јаловината на Југохром.
Покрај Куновски како кандидат за градоначалник на Скопје, од „Слободни и независни“ го најавија и кандидатот за Чаир, Ицо Лолевски, како и советничките листи за повеќе општини во Скопје.
