Речиси 900 барања пристигнале на јавниот повик за финансиска поддршка за потрошена електрична енергија за ранливите категории на граѓани.
Од Министерството за енергетика велат дека комисиите задолжени за обработка на пријавите веќе се во процес на разгледување.
Финансиската поддршка се обезбедува преку намалување на месечната сметка за струја за 1000 денари месечно, во траење од 12 месеци.
Министерката за енергетика, рударство и минерални суровини, Сања Божиновска, вели дека со оваа мерка се испраќа јасна порака дека државата стои зад оние на кои поддршката им е најпотребна.
„Финансиската поддршка за електричната енергија е конкретен чекор кон поголема социјална заштита и еднаков пристап до основни потреби“ изјави Божиновска.
