Пофалби за целосната усогласеност на Македонија со заедничката надворешна и безбедносна политика на ЕУ, но и потсетување на обврските што земјата треба да ги исполни за деблокада на евроинтегративниот процес. Еврокомесарката Марта Кос, по средбата со Муцунски, порача дека е важно да се испорачаат преостанатите обврски и земјата да продолжи напред во процесот на пристапување во Европската Унија.
Во нејзината објава на социјалната мрежа X, Кос вели дека со Муцунски имале отворена дискусија за идните чекори на европскиот пат на Македонија:
„Важно е да се испорачаат преостанатите обврски и земјата да продолжи напред во процесот на пристапување во Европската Унија“, напиша Кос.
