Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше на јахтата на Заев и тоа малку што го имал го нема. Народот денес е побогат од времето на СДСM. Единствена разлика е што нема милиони за него и Заев од државниот буџет, се вели во реакцијата на ВМРО-ДПМНЕ на ставови на Венко Филипче.
Бројките се секогаш тврдоглави, а тие го говорат следното:
Растот на просечната нето-плата во период од последната година кога ВМРО-ДПМНЕ е на власт е 10.3%, за разлика од периодот кога СДС беше на власт, кога просечната плата порасна за 8.3%.
Уште поголем удар за СДСM е фактот што реалниот пораст на просечната плата во период на ВМРО-ДПМНЕ е двојно поголем од периодот на СДС. Имено порастот на реалната плата во време на ВМРО-ДПМНЕ е 6.7%, за разлика од 3.5% во време на СДСM. Тоа значи дека стандардот на граѓаните сега, е поголем од времето кога СДСM беше власт.
Кога сме кај инфлацијата, и таму бројките се лоши за СДСM. Имено во време на СДСM инфлацијата во просек изнесувала 4.8%, за разлика од сега кога во просек е 3.6%.
СДСM и Филипче може да лажат колку сакаат, но едно не можат да сменат, а тоа е реалноста.
