Македонија одбележува 115 години од раѓањето на Мајка Тереза, чиe вистинско име ѝ е Агнеса Гонџа Бојажиу, родена на 26 август 1910 година на тогашната улица „Поп Кочина“ број 14, која се наоѓала на сегашниот плоштад Македонија.
Гонџа е најмалото дете во семејството, имала постара сестра Ага и постар брат Лазар. Потекнувала од добростоечко семејство, во кое владеело правилото да се помогне на секој на кого му е потребна помош. Конечната одлука да го напушти Скопје ја донела на 12-годишна возраст, кога добила повик од Бога. По шест години, конечно го напушта родниот град и заминува за Даблин, Ирска. Оттаму почнува да ја исполнува својата мисија – да им помогне на гладните и угнетените луѓе низ целиот свет.
За својата посветеност била почитувана од многумина – од обичните луѓе до лидерите на водечките светски сили, државници, славни личности и хуманитарци, а најмногу од оние кои верувале дека може да се помогне за да се победи бедата, гладот, сиромаштијата и болеста.
Во 1979 година ја добила Нобеловата награда за мир за извонредната и широка дејност во помагањето на бедните, болните и унесреќените низ целиот свет. Почина во Калкута, Индија, на 5 септември 1997 година, по неколкугодишна борба со болест на срцето и белите дробови.
Две години по нејзината смрт, папата Јован Павле II ја започнал диоцезиската фаза од процесот за беатификација и канонизација, а по завршувањето на целата постапка, Мајка Тереза е прогласена за светица.
