Градоначалникот на општина Ѓорче Петров, Александар Стојкоски вечер пред граѓаните ќе ги презентира резултатите од својот четиригодишен мандат.
Од општината соопштија дека Стојкоски ќе ги презентира реализираните проекти, инвестициите во инфраструктурата, јавните услуги и мерките кои го подобрија квалитетот на живот во општината. Граѓаните, како што се наведува, ќе имаат можност да се информираат директно за постигнатото и за идните планови, како и со свои идеи и сугестии да учествуваат во креирањето на локалната политика за следните години.
Ваквиот начин на презентација на сработените проекти е пракса во општината Ѓорче Петров во текот на мандатот на Стојкоски, како дел од континуираниот процес на транспарентно и отчетно работење. Настанот е предвидено да се одржи на платото пред новата општинска зграда во 20 часот, информираат од општината.
