Претседателот на САД, Доналд Трамп, изјави дека неговата администрација ќе знае во рок од две недели дали ќе се постигне мир во Украина, предупредувајќи дека ако тоа не се случи, тој ќе заземе поинаков пристап.
Оваа изјава е последна во низата рокови што Трамп ги постави за завршување на војната, кои досега поминаа без конкретни акции.
Трамп вчера напиша на својата социјална мрежа дека Украина не може да ја добие војната без да нападне во Русија, обвинувајќи го поранешниот американски претседател Џо Бајден дека му дозволил на Киев само да се брани, а не и да возвраќа.
Оваа изјава на Трамп значително се разликува од неговиот став во декември лани, кога предупреди дека ако ѝ се дозволи на Украина да користи американско оружје за напади длабоко во Русија, тоа би била „голема грешка“ што носи ризик од опасна ескалација.
