Високиот претставник на ЕУ за надворешна и безбедносна политика, Каја Калас, предупреди дека Украина не треба да биде принудена да прави територијални отстапки кон Русија како дел од кој било иден мировен договор.
Во своето прво интервју за британските медиуми, откако европските лидери се придружија на мировните преговори на Доналд Трамп во Белата куќа, Калас изјави дека дозволувањето на Русија да ги задржи окупираните украински територии е стапица во која Путин сака да паднеме.
Регионот Донбас, на истокот на Украина, е во центарот на конфликтот со години, а руската акција принуди околу милион и пол Украинци да избегаат. Киев постојано одбива да го предаде Донбас на Кремљ во замена за мир, и покрај инсистирањето на американскиот претседател Трамп за потребата од „територијална размена“.
