Откако кандидатот на Вреди за градоначалник на Чаир, Изет Меџити, објави видео од средбата со архитектот Бајрам Вардар, неколку часа подоцна и неговиот противкандидат, Бујар Османи, сподели фотографија со светски познатиот архитект Мишел Ројкинд.
„Денеска со Ројкинд прошетавме низ Чаир. Го слушав внимателно додека ги анализираше улиците, просторот и луѓето. Заедно работиме на визија за урбана преродба на Чаир“, напиша Османи.
Тој нагласи дека архитектот ги издвоил клучните приоритети: јавен простор, пристапност, естетика и функционалност.
