Почитувани граѓани, почитувани медиуми,
Денес со задоволство објавуваме одлука што докажува дека нашата влада е влада на дела, а не на празни ветувања. Преку оваа програма, издвоени се 170 милиони денари за поддршка на најранливите семејства, обезбедувајќи им инвертер клима уреди од највисока класа А+, со загарантирана ефикасност и квалитет, се наведува во соопштението од ВРЕДИ, што МИА го пренесува интегрално.
Ова не е обичен чекор. Ова е гигантски чекор кон подобрување на условите за живот, бидејќи овие уреди ќе обезбедат топлина во зима и свежина во лето, заштедувајќи енергија и придонесувајќи за заштита на животната средина.
Овој проект е доказ дека владата на ВЛЕН е влада со срце и одговорност, бидејќи нашата политика произлегува од потребите и грижата на граѓаните. Ова е јасна порака дека ниедно семејство нема да биде запоставено и дека секој граѓанин има право да живее со достоинство и пристоен стандард.
Огласот е сега отворен и ќе трае 60 дена. Ги покануваме сите оние кои ги исполнуваат условите да аплицираат и да имаат корист од овој одличен проект, кој директно влијае на стотици семејства и илјадници животи.
Ова е промената што ја ветивме. Ова е промената што ВЛЕН ја носи секој ден.
